Мал сойғанда «бисмилланы» айтуды ұмытып кетсе, не істейді?
Мал сойғанда «бисмилланы» айтуды ұмытып кетсе, не істейді?
15 күн бұрын 1281

Ассаләмуғалейкум! Мал сойғанда «бисмилланы» айтуды ұмытып кетсе, не істейді? Еті адал ма?

Уағалейкумуссәләм уә рахматуллаһи уә бәракәтуһ!

Ханафи мәзхабы мен Мәлики мәзхабы бойынша, сондай-ақ, Ханбали мәзхабында да қабыл етілген пәтуа бойынша, мал сойғанда «бисмилланы» айту шарт.  Өйткені Құран Кәрім, «әл-Әнғам» сүресінде:

«Алланың аты аталмаған малдың етінен жемеңдер», - делінген[1].

Алайда, қасапшы «Алланың атын» тілге алуды ұмытса не істейді? Бисмилланы айтуды ұмытқан мұсылманға кешірім бар дейді Ханафи ғалымдары[2]. Ондай оқылық әдейі орын алмағандықтан, сойылған малдың еті адал. Имам Бәйхақидың хадистер жинағында, сахаба Абдулла ибн Аббастан жеткен хадисте былай делінген:

«الْمُسْلِمُ يَكْفِيهِ اسْمُهُ , فَإِنْ نَسِيَ أَنْ يُسَمِّيَ حِينَ يَذْبَحُ فَلْيَذْكُرِ اسْمَ اللهِ وَلْيَأْكُلْهُ»

«Мұсылманға (мұсылман) есімінің өзі жеткілікті. Егер, ол мал бауыздау сәтінде «бисмилланы» ұмытып кетсе, (кейін оның етін) бисмилланы айтып жей берсін»[3].

БІрақ, біле тұра, әдейі «бисмилланы» айтпаса, ол малдың еті адал емес.


[1] Әнғам сүресі, 121 аят.
[2] Ибн Ғабидин: Роддуль Мұхтәр. 9/434 бет.
[3] Имам Бәйһәқи: әс-Сүнәнул Күбра. №18890 хадис.

Абдусамат Қасым