Бір кәмілет жасына жеткен, бойжетіп ес кірген қыз Пайғамбарымызға (саллаллаһу алейхи уә сәлләм) келіп:
— «Мен бір ер адамға тұрмысқа шықсам деймін. Қалай болады?» — деп сұрайды.
Пайғамбарымыз (с.а.у.) жымиып:
— «Ер адамның құқықтары көп. Соған дайынсың ба?» — дейді.
Қыз:
— «Қандай құқықтары?» — деп сұрайды.
Пайғамбарымыз былай түсіндіреді:
— «Егер сен күйеуіңді ренжітсең, Алла разы болмайды, намазың қабыл болмайды».
Қыз:
— «Тағы қандай?»
— «Егер күйеуің рұқсат етпей сыртқа шықсаң, әр қадамың үшін күнә жазылады».
— «Тағы?»
— «Күйеуіңе ауыр сөз айтсаң, Қиямет күні тілің үшін азап көресің».
— «Тағы?»
— «Өзіңнің малың болып тұрып, күйеуіңе көмектеспесең, ахиретте жүзің қара болады».
— «Тағы?»
— «Күйеуіңнің малынан ұрлап, біреуге беріп, кешірім сұрамасаң — садақаң да, зекетің де қабыл болмайды».
Бойжеткен тағы сұрайды:
— «Тағы бар ма?»
— «Кім күйеуін балағаттаса немесе оған қарсы ауыр сөз айтса — тозақта тілімен ілініп азапталады. Ал егер музыка ойнайтын жерлерге барса немесе сондай жерлерге ақша жұмсаса — істеген барлық сауаптары жанып кетеді. Тіпті үстіндегі киімдері де: “Бізді қайырлы күндерде кимеді, ал харам жерлерге киіп барды” деп шағымданады. Ондай әйелдерге мың жыл от азабы беріледі».
Мұның бәрін естіген қыз шошып:
— «Уа, Расулалла! Осы уақытқа дейін тұрмысқа шықпаған едім, бұдан кейін де шықпасам ештеңе етпес!» — дейді.
Сонда Пайғамбарымыз (с.а.у.) оған былай деді:
— «Саған тұрмысқа шыққанда берілетін сауаптарды айтайын ба?!:
- Күйеуің саған “Алла разы болсын” десе — бұл сен үшін 60 жыл құлшылық жасағаннан артық.
- Оған бір жұтым су берсең — бір жыл ораза ұстағанмен тең.
- Күйеуіңмен болғаннан кейін ғұсыл алсаң (шомылсаң) — 1000 құрбан шалғандай сауап аласың.
- Күйеуіңе айла жасамай, адал жүріп өтсең — періштелер сен үшін тасбих (мақтау) айтады.
- Күйеуіңе жылы сөйлессең, әзілдессең — 60 құлды азат еткен сауапқа тең.
- Күйеуіңнің мүлкіне ие болып, оның туған-туысымен жақсы болсаң, намазыңды оқып, оразаңды ұстасаң — Қағбаны мың рет тауап еткенмен бірдей сауап аласың» депті Алла елшісі (с.а.у.).
as-sunna ru
