Вашингтон қаласының қоғамдық көліктерінде исламға қарсы жарнама мұсылмандардың наразылығын тудыруда. Бұл жолы исламофобтар жерден жеті қоян тапқандай исламды нацизммен байланыстырған.

«Ислам жөйттерге жек көре қарайды», - деп Құранда айтылған. Американың қаржылай көмегінің үштен екісі ислам елдеріне кетіп жатыр. Ислам елдеріне ағылып жатқан көмекті тоқтатайық»,- деп жазылған қоғамдық көліктерге жапсырылған  жарнамада.

Осы келеңсіздікке байланысты Америка-Ислам қатынасы жөніндегі кеңес бұған қарсы өздерінің дінаралық татулықты насихаттайтын жарнамаларын орналастыруды көздеп отыр.