Сауд Арабиясының  Neom аумақтық даму агенттігі «жер бетінде теңдесі жоқ» жаңа жобаcын жұртшылық назарына ұсынды. Бұл жайында islam.kz порталы naked-science ақпарат көзіне сілтеме жасай отырып мәлім етеді. Бұл арада тау тасасындағы табиғатпен және озық технологиямен үйлесетін иммерсивті кеңістікті -  Utamo деп аталатын болашақ театры туралы сөз болып отыр. "Utamo болашақ театрында шындық пен цифрлық технология саласы біріктіріледі. Жаңа ойын-сауық стандартын қалыптастыратын іс-шаралар өтетін орынға айналады», - деп уәде берді Neom өкілдері. Қызыл теңіздің солтүстігіндегі Ақаба шығанағы маңындағы тау қойнауында орналасқан көп функционалды үлкен зал әлемнің үздік әртістерінің қойылымдарына арналған.