Әзірбайжан елінің Парламент мүшелері мектептегі білім сапасын арттырудың тың жолын ойлап тапқан сияқты. Әкімшілік құқық бұзушылық Кодексіне енгізілген жаңа түзетулер негізінде енді баласы сабаққа қатыспаса, ата-анасы 100 манат ($95) көлемінде айыппұл төлейтін болады. Жаңа заң жобасы қоғам арасында қатты қарсылық туғызды.

Парламент мүшесі, белгілі жазушы Эльмира Ахундова бұл заң қалталы ата-аналардың балаларын  мемлекеттік мектептерде оқытудың орнына айыппұл төлеп, өздері арнайы оқу орталықтарында дайындалуына әкеліп соғады дейді.

Алайда, Парламенттің вице-спикері Бахар Мурадов кейбір ата-аналардың балаларын мектепке барудан шектеп, жұмысқа салып қоятынын айтып, аталмыш заңның қажеттігін айтады.