Пәкістанда 5500 адам қамауға алынды. Мұндай ауқымды операция жуырдағы Лахор қаласындағы лаңкестік әрекеттен кейін жүргізілді. Қамалғандардың көбі Пенджаб провинциясында ұсталған. Бұған дейін Пәкістан Премьер-Министрі Наваз Шариф кінәлілердің барлығы да жауапқа тартылады деп уәде берген еді. Естеріңізге сала кетейік, лаңкестік әрекет 27-наурызда Лахор қаласында болды. Балалар ойнайтын қалалық саябақта жанкешті өз-өзін жарып, 75 адамның өмірін қиды. Марқұмдардың көбі – бала-шаға. Жараланғандардың саны 300-ден асады. Бұл шабуылды «Талибан» экстремистік қозғалысы өз мойнына алды.