Биыл Сауд Арабиясында қажылық маусымына 30 мыңға тарта медицина қызметкері қажыларға қызмет етеді. Бұл жайында аталмыш елдің денсаулық сақтау министрлігі мәлім етті. Аталған ведомстваның дерегіне қарағанда, Арафат тауының маңында, Мина жазығында және қасиетті Мекке мен Мәдина қалаларында қажыларды қабылдайтын 25 емхана жұмыс істейді. Бұған қоса, 150-ден аса мобилді емхананы іске қосу да көзделіп отыр. Науқас қажыларды емханаға дереу жеткізу үшін және оларға дер кезінде медициналық көмек көрсету мақсатында 100 жедел жәрдем көлігі бөлінеді. Сондай-ақ, менингитке қарсы егуді қарастыратын бағдарлама қарастырылған.