The Aviationist ақпарат көзі GBU-57 Massive Ordnance Penetrator америкалық авиабомбаның қалай сынақтан өткенін бейнелейтін видеоны жариялады. Аталмыш аса қуатты бомба Миссури штаты аумағындағы Уайтмен авиабазасынан таяуда ұшырылған АҚШ әуе қарулы күштерінің B-2 Spirit стратегиялық бомбалаушы ұшағынан тасталған. 

GBU-57 — басқарылатын авиациялық жарақ, салмағы - 13,6 тонна. Ол жерге түскенде 61 метр тереңдікке дейін ене алады, ал бетонға түссе 19 метрге дейін үңги алады. Бұл бомба жерасты қорғанысын бұзу үшін, мысалы, бункерді бұзу үшін арнайы құрастырылған.