Бүгін Turksat 5A спутнигі ғарышқа жол тартады
|

Бүгін АҚШ аумағында ғарышқы ұшырудың жаңа маусымы басталады: Канаверал мүйісіндегі SLC-40 алаңынан Илон Масктың SpaceX компаниясының Falcon 9 зымыраны түріктердің спутнигін орбитаға алып шығады. Бұл жайында islam.kz порталы түріктердің бұқаралық ақпарат құралдарына сілтеме жасай отырып мәлім етеді. Коммерциялық бағыттағы теледидарлық хабар таратудан бөлек аталмыш аппарат әскери мақсатта да, дәлірегі, ұшқышсыз ұшатын аппараттардың әскери опреация жүргізетін диапозонын айтарлықтай кеңейтуге, т.б. әскери мақсаттарды орындауға мүмкіндік бермек. Спутникті Airbus Defence and Space мамандары тек электрлі қозғалтқыштармен жабдықталған Eurostar E3000EOR платформасында құрастырды. Мұндай модернизация 2014 жылы конструкцияның салмағын азайтуға мүмкіндік берген еді. Turksat 5А шамамен 3400 келі тартады әрі 31-ші меридиан шығыс бойлықтан жоғары нүктеде жер бетінен 35 786 шақырым биіктіктегі геостационарлы/геосинхронды орбитада орналасады. Ол кем дегенде 15 жыл қызмет етеді. Turksat 5A теледидар әне байланыс қызметі бойынша Қытайдың батыс шекарасынан Ұлыбританияның шығыс жағалауына дейінгі аумақта, дәлірегі, Түркия, Еуропаның біраз бөлігі, Африка, Орта Азия және Таяу Шығыс) қызмет көрсете алады.

Көп оқылғандар

■
Секундына 30 масаны жоятын құрылғы пайда болды (видео)

■
Француз ғалымдары безеуге қарсы вакцина ойлап тапты

■
Жер учаскесін жалға алу мерзімін ұзарту ережесі өзгертілді

■
Қазақ ғалымдарының аллергияға қарсы жасаған антиденесі миллиард адамның өмірін жеңілдетеді

■
Лазер сәулесіне төтеп беретін жұмсақ робот жасалды (видео)