Үстіміздегі жылдың желтоқсан айының 1-нен бастап, Ыстамбұл шаһарында халал туризм жиыны өтеді. Бұл жиынның өтуіне осы елдегі халал туризмнің дамуы және  әлемнің әр түкпірінен туристердің көптеп келуі себеп болды. Аталмыш шара халал туризм саласының даму келешегіне және Еуропадағы халал туризмді дамыту мәселесіне арналады. Бұл жиынға елу еллден делегат қатысады. Өткен жылы Түркия халал туризмі бойынша екінші орынға шыққан болатын. Халал туризм  бойынша Сауд Арабиясы бұрынғыша бірінші орыннан көрінді. Сарапшылар халал туризм саласындағы табыстың 150 млрд долларға жеткенін алға тартып отыр. Бес жылдан кейін бұл көрсеткіш 200 млрд долларға жетуі мүмкін.