Оңтүстік Кореядағы жасы 65 және одан жоғары егде жастағылардың қарасы жалпы халық санына шаққанда 21%-ға жеткен. Бұл жайында islam.kz порталы THE CHOSUNILBO ақпарат көзіне сілтеме жасай отырып мәлім етеді. Таңғы шық елінің ішкі істер және қауіпсіздік министрлігі әзірлеген “2025 жылға арналған елде тұратындарды тіркеудің статистикасы” деп аталатын талдау нәтижесіне сәйкес ел аумағындағы 65 және одан жоғары жастағылар саны он миллионнан асқан, дәлірегі, 10 840 822  адам тіркелген. Бұл көрсеткіш оның алдындағы (2024) жылмен (10 256 782 адам) салыстырғанда айтарлықтай көп - 584 040 (5,69%) адамға артқан. Қысқасы, тұтас ел тұрғындарының 50 117 378 санына шаққанда бүгінде қарттар қарасы 21,21%-ға жеткен. Біріккен Ұлттар Ұйымы (БҰҰ) қоғамды қартайған егде (7%+), қарт (14%+) және қартайған (20%+) деп жіктейді. Өткен жылы 20% -дан асқан қарт адамдардың көрсеткішімен Оңтүстік Корея қарт қоғам санатына енді. Жынысы бойынша қарт әйелдер 23,39% -ды құрады, бұл көрсеткіш ерлерге қарағанда 4,39 пайыздық тармаққа жоғары (19,00%). Бір адамы бар үй шаруашылықтары санының өсуі тоқтайтын емес. Өткен жылғы дерек бойынша тіркелген үй шаруашылықтарының жалпы саны 24 300 087 құрады, бұл көрсеткіш өткен жылға қарағанда 181 159-ға көп. Бір адамнан тұратын үй шаруашылықтары 42,27% (10 272 573) құрады, одан кейін екі адамнан тұратын үй шаруашылықтары (25,31%), үш адамнан тұратын үй шаруашылықтары (16,77%) және төрт және одан да көп адамнан тұратын үй шаруашылықтары (15,65%). 70 және одан жоғары жастағы адамдар бір адаммен шектелетін үй шаруашылықтарының ең көп үлесін құрады - 2 218 764 (21,60%), одан кейін 60 жастағы (18,90%), 30 жастағы (16,92%), 50 жастағы (15,92%), 20 жастағы (13,94%), 40 жастағы (12,29%) және 20 жастан кіші (0,44%).