Оңтүстік Корея өмі есігін ашқан егіздер саны бойынша әлемдегі алдыңғы қатарлы елдердің біріне айналды. Бұл жайында islam.kz порталы THE CHOSUNILBO ақпарат көзіне сілтеме жасай отырып мәлім етеді. Таңғы шық елінің денсаулық сақтау және әлеуметтік істер институты таяуда жарияланған «Мультиұрпақ саясатының қазіргі жағдайы мен салдары» атты баяндамасында «егіздерге жүктілік пен босану ана мен балаға жоғары қауіп төндірсе де олардың денсаулығын қорғау және егіздерге жүктілікті азайту жөніндегі саяси шаралар салыстырмалы түрде жеткіліксіз» деп атап өтті. Есепке сәйкес Оңтүстік Кореяда барлық өмірге келген шараналар арасындағы егіздердің үлесі 2015 жылғы 3,7% -дан (16 166 сәби) өткен жылы 5,7% -ға (13 461 сәби) дейін өсті. Олардың ішінде үшемдер (үшемдер және одан да көп) үлесі 2,4% -дан (392 сәби) 3,4% -ға (457 сәби) дейін өскен. Өткен жылы Оңтүстік Кореяда егіздердің туу көрсеткіші - 1000 босанған әйелге шаққанда 28,8-ді  құрады. Бұл шама Грекиядан (29,5 жағдай) кейінгі Адамдардың көптеп туу мәліметтерінің дерекқорына (HMBD) кіретін елдер арасында екінші орындағы ең жоғары көрсеткіш және HMBD-ның орташа көрсеткішінен (15,5 жағдай) екі есеге жуық жоғары болды. Жоғары реттік көптік туу көрсеткіші 1000 босануға 0,67 жағдайды құрады, бұл шама HMBD елдері арасында ең жоғары көрсеткіш болып, орташа көрсеткіштен (0,2 жағдай) үш есе жоғары болды. Есепте Оңтүстік Кореядағы егіздердің туу көрсеткішінің артуы әлемнің басқа елдерімен салыстырғанда ерекшеленетіні айтылған. Есепте былай делінген: «Босану жас мөлшері өсіп, репродуктивті технологиялар дамып келе жатқанымен екі баланы бір уақытта өмірге әкеліп, өсіруді мақсат еткен ‘қолайлылыққа бағытталған босану’ феномені Оңтүстік Кореяға тән ерекше үрдіс ретінде алға шығады». Оңтүстік Кореяда аналардың босанған кездегі орташа жасы 2015 жылы 32,2 жастан өткен жылы 33,7 жасқа көтерілді. Айта кету керек, егіз босанған аналардың орташа жасы 35,3 жасқа жетіп, бір нәрестелі аналардың жасынан (33,6 жас) жоғары болды. Бедеулікті емдеуден өтетін науқастар саны да жеті жыл ішінде 33%-ға өсті: 2018 жылы 121 038 болса, өткен жылы 161 083 адам болды.