Албания әлемде жасанды зердені үкімет құрамына енгізген, дәлірегі, мемлекеттік министр қызметіне тағайындаған алғаш ел ретінде тарихта қалатын болды. Бұл жайында islam.kz порталы Gazeta Tema мерзімді басылымына сілтеме жасай отырып мәлім етеді. Хабарламада айтылғандай, аталған ел премьері Эди Рама жаңа министрлер кабинетін жасақтау кезінде осындай ерекше бастама көтерген. Diella деп аталатын жасанды зерде мемлекеттік саты палу істерімен айналысады. Арнайы бөлімше жасанды зерде министрге қолдау әрі көмек көрсетеді. Албания билігі алдағы уақытта үкіметтің барлық құрылымына АІ технологиясын енгізу арқылы тендерді ашық әрі қоғамға қолайлы етуді көздеп отыр.