Кәрі құрылықта ислам діні мен мұсылмандарға қарсы қылмыс өршіп тұр. Осыған байланысты сарапшылар мұндай қылмыстардың алдын алу үшін заңнаманы өзгертуді ұсынып отыр.

«Ислам діні Еуропада заң тұрғысынан мойындалуы тиіс» - деді Австрияның дін істері жөніндегі басқарманың жетекшісі Фуад Санач: «Біз жөйт, католик, протестант, будда жамағаттарына берілген құқықтарға мұсылмандардың да ие болғанын қалаймыз» - деді ол сөзін сабақтап. 

Ол антисемитизм ұғымының барын алға тартып, мұсылмандарға қарсы қысастық орын алған жерде антиислам ұғымын да қалыптастыру керектігін білдірді.