Массачусеттегі инженерлерді даярлайтын колледждің компьютер ғылымымен шұғылданатын профессоры Аллен Дауни жүргізген сауалнамадан белгілі болғандай, ғаламтор америкалықтардың дінге салғырт қарауына себепкер болып отыр.

Өткен жылдың сәуір айында жарық көрген зерттеу нәтижесінен байқалғандай, соңғы жиырма жылдың ішінде құдайға сенбейтіндердің қатары едәуір артқан: 1990 жылы – 8%, ал 2010 жылдың соңында бұл көрсеткіш 18 пайызға жеткен.

Профессордың сөзіне қарағанда, ғаламторды аптасына бірнеше сағат пайдаланғандар мүлдем пайдаланбайтындарға қарағанда құдайдың барына екі пайызға кем сенеді екен. Сондай-ақ, ол ғаламторды тұрақты пайдаланатындардың діндарлығы интернетті пайдаланбайтындарға қарағанда үш пайызға кем екенін анықтаған.