Қаңтар айының 5-і күні Германия қалаларында, атап айтқанда, Дрезден шаһарында ислам мен мұсылмандарға қаны қас «Батыстың исламдануына қарсы патроиот еуропалықтар» (PEGIDA) деп аталалтын қозғалыстың ұстанған бағытын жақтайтындардан 18 мыңға жуық адам шеруге шықты. Сонымен қатар, осы қалада аталмыш қозғалыстың позициясымен келіспейтіндерден 3 мыңдай адам да шеруге шақты. Бұл жайында Түркияның «Анадолы» ақпарат агенттігі хабар таратты. PEGIDA-ға қарсы шеру бірнеше қалада, атап айтқанда, Берлинде, Мюнхенде, Гамбургте, Мюнстерде және Штутгартта өтті. Оған шамамен 22 мың адам қатысқан.