Google компаниясының өздігінен жүретін, яғни, жүргізушісіз жылжитын автокөлік турасында осыдан біраз күн бұрын хабарлаған едік. Миллионнан аса шақырым қашықтықты артқа тастағаны жөнінде де хабардар еткенбіз. Аталмыш компания тәжірибеден сүрінбей өткен автокөлікті жаппай шығаруға ден қойып отыр. Бұл жайында Google компаниясының директоры Крис Армсон мәлім етті.

Оның айтуынша, қазіргі уақытта  Google автокөлік жасайтын әлемнің алдыңғы қатарлы  компанияларымен келіссөз жүргізіп жатыр. Сондай-ақ, өздігінен жүретін автокөліктер алты жылдан кейін пайдалануға берілетінін тілге тиек етті.