Ислами инвестиция бойынша форум өтеді

Ислам даму банкі Экономикалық даму кеңесімен бірігіп, Бахрейнде «Global Islamic Investment Gateway» деген атпен ислами инвестиция бойынша халықаралық форум өтетінін жария етті. Бұл жайында Islam-today ақпарат көзі хабар таратты. Аталмыш шара инвесторларды халықаралық ислами инвестицияның мүмкіндіктерімен таныстыру мақсатында өтеді. Алдағы жылдың наурыз айында өтетін бұл жиын ең алдымен инвестициялық банктердің қызметкерлері, инвестициялық компаниялар, тәуелсіз қорлар және капиталы мол жекелеген тұлғалар үшін аса маңызды.