Иудейлер арасында да өздерінің салафшылары бар. Олардың бір бөлігі Палестина аумағында тұрады. Олар өзге діндар еврейлерге қарағанда Тәураттағы үкімдерден барынша ауытқымауға тырысатынымен ерекшеленеді. Бұл қауымның әйелдерін Саудиядағы немесе Йемендегі бетіне дейін тұмшаланып алған әйелдерден ажырата алмайсыз. Бұл ортадоксалды еврейлер заманауи технология игіліктерінің көбісін пайдаланбайды - күнәға батып қоямыз ба деген әсіре сақтық пен қауіппен. Мәселен, теледидарды мүлдем көрмейді. Жартылай жалаңаш әрі күнәлі істерге итермелейтін хабарларды таратады деген оймен.