KAZINFORM – 1 тамыздан бастап Жапонияның Қорғаныс министрлігі әйел әскери қызметшілерге ядролық, биологиялық және химиялық қарудан қорғану бөлімшелерінде қызмет етуге рұқсат берді. Бұл – елдегі Өзін-өзі қорғау күштеріндегі әйелдерге қатысты соңғы шектеудің жойылғанын білдіреді, деп хабарлайды Kyodo.

Аталған бөлімшелер радиоактивті, биологиялық және химиялық заттармен ластанған аумақтарда барлау жүргізу мен залалсыздандыру жұмыстарын атқарады. Бұрын бұл бағытта әйелдердің қызмет етуіне тыйым салынған болатын. Себебі, мұндай жағдайда бедеулік қаупі жоғары саналған.

Алайда технологиялық жетістіктер мен арнайы қорғаныс құралдарының дамуы бұл қауіптің алдын алуға мүмкіндік беріп отыр. Министрлік әйелдердің арнайы көліктер мен қорғаныс жабдықтарын пайдалану арқылы мұндай жұмыстарды қауіпсіз атқара алатынына сенімді.

2011 жылы жер сілкінісі мен цунамиден кейін орын алған «Фукусима-1» атом электр станциясындағы апаттан соң Жапония дезактивациялау жұмыстарына кадр тапшылығын сезінген болатын.

Жапония әйелдердің армияда қызмет етуіне байланысты шектеулерді біртіндеп алып тастап келеді. 1993 жылы Қорғаныс министрлігі гендерлік теңдікті қолдау мақсатында әскери қызметтегі саясатын қайта қарап, әйелдердің ауыр физикалық жүктемесі бар міндеттерді орындауына рұқсат берді.

2015 жылдан бастап әйелдерге жойғыш және барлау ұшақтарын басқаруға мүмкіндік берілді. 2017 жылы Содружество елдерінің Өзін-өзі қорғау күштері әйелдердің соғыс техникасын басқаруын кеңейтті, ал 2018 жылы Теңіз күштері оларға суасты қайықтары экипажына мүше болуға рұқсат берді.

Айта кетейік, бұған дейін Жапония парламентінің жоғарғы палатасына рекордтық саны әйел депутаттар сайланған болатын.

Асхат Райқұл