Мысыр соты тегі армян Реде әл-Фулиді (Сфаиназ деген есіммен де белгілі) қарнын жалаңаштап бөксемен билегені үшін бас бостандығынан айырды. Реде әл-Фули осымен екінші рет жазықты болып, жаза кесіліп отыр. Үстіміздегі жылдың сәуір айында ол Мысыр туын қорлағаны үшін алты ай абақтыға жабылған болатын. Дәлірегі, ұлттық жалау бейнеленген шомылатын киіммен билегені үшін мысырлықтардың наразылығына ұшырап, наласына қалған еді. Бұл жайында «әл-Арабия» ақпарат көзі хабар таратты. Онымен бірге билеген серігі Уәл әл-Седик те бір жылға бас бостандығынан айырылды.