Жидда қаласында өткен Азия медиа-саммитінің алғашқы күні сөз сөйлеген араб елдерінің хабар тарату одағының бас директоры Салахеддин Маоу араб әлемінде түрлі тақырыпта хабар тарататын 13000 телеарнаның барын тілге тиек етті. Мұның өзі дүрбелең тудыруы мүмкін екенін ескертті. Осы арналардың тек 15 пайызы ғана мемлекеттің меншігінде екенін алға тартып, қауіп ете сөйлеген ол жекеменшік телеарналдарды бақылау ісінің жолға қойылмағандығын жеткізді. Телеарналардың көптігі бір жағынан игілік болғанымен, екінші жағынан көрермендердің дүниетанымы мен рухани талғамын бұзатынын да жасырмады.