Аталған ауданның Арыт ауылында дүниеге келген Мұхаммед Кұсшы есімді жас жігіт орта мектепті тәмамдағаннан соң күнкөріс қамымен Ыстамбұл қаласына барады. Мегаполистің ресторандарының бірінде даяшы болып жұмыс жасағанымен, оның тұрмысы жақсарып кете қоймайды. Сонан соң туған ауылына қайта оралып, мал шаруашылығымен айналысуға бел буады.

Алдымен нарықты зерттеген жас кәсіпкер осыдан екі жыл бұрын Ауыл шаруашылығы министрлігінің арнайы қолдау бағдарламасы аясында 17 мың шаршы метр ауданды алатын алқапта тауық фермасын ашады. Көрші ауылдардан жинап әкелген жұмыртқаларынан 6 мың балапан шығарады. Табиғи түрде шығарылған балапандары өсіп жетілген Мұхаммед Құсшы қазір тәулігіне 5 мың жұмыртқа алады екен.