Саудия билігі ел аумағындағы барлық мешітке алдағы жұмадағы уағызда тәжді тажалға қарсы екпені насихаттауға тапсырма берді. Бұл жайында islam.kz порталы GulfNews ақпарат көзіне сілтеме жасай отырып мәлім етеді. Осылайша аталған араб елінің имамдары жамағатына күллі әлемді шарпыған жұқпалы індетке қарсы екпенің қауіпсіздігі мен тиімділігін  сөз етуі тиіс. Саудияның ислам істері жөніндегі министрлігі құтпада екпені насихаттауға қатысты нұсқаулықты таратты. Осы орайда желтоқсан айында Саудия аумағында Pfizer-BioNTech екпесін жаппай салу басталған болатын. Өткен жұмада тақ мұрагері Мұхаммед бен Салман вирусқа қарсы екпе салдырды.