Барлық мемлекет басшыларының ішінде баласы ең көбі – Моңғолия президенті Цахиагийн Элбэгдорж болып тұр. 

Цахиагийн Элбэгдоржының отбасында 28 бала бар. Оның бесеуі өзінің ұл қыздары. (4 ұл, бір қыз) ал қалған 23 баланы асырап алған. Ол КСРО Қорғаныс министрлігі жүйесіндегі үздік әскери оқу орындардың бірі Львов әскери училищесін «Әскери тілші» мамандығы бойынша бітірген. Сондай-ақ, Дж. Кеннеди атындағы Гарвард мемлекеттік басқару мектебінің де түлегі. Ол 1963 жылы Моңғолияның Қобда аймағы Зэрег елді мекенінде дүниеге келген. Әр жылдары екі мәрте Моңғолия премьер-министрі, Ұлы мемлекеттік хурал вице-спикері қызметін атқарды. Қазіргі лауазымына 2009 жылы 18 маусымда сайланды.