Баскетболшы мұсылман қыз-келіншектер жарысты ұйымдастырушылар тарапынан санкция салынатынынан қауіптенбей, ойын алаңына шариғат шәлісін жамылып шығатын күн алыс емес. Халықаралық баскетбол федерациясы спортшы қыз-келіншектердің ойын алаңына бастарына орамал тартып шығуына қатысты салынған тыйымның күшін жоюды қарастырып жатыр. Аталмыш тыйым осыдан он жыл бұрын бірыңғай киім үлгісін сақтау мақсатында салынған болатын. Баскетболшы мұсылман қыз-келіншектеріне ойын алаңына шариғат шәлісімен шығуға рұқсат беру мәселесі тамыз айының соңында Севилье қаласында талқыға түседі.