Бангладештің мұсылмандары егеуқұйрықтардың көзін жоюға кірісті. Неғұрлым көп өлтіргендеріне ақшалай сыйлық беріледі. Бұл жайында IslamNews порталы Al Arabiya ақпарат көзі сілтеме жасай отырып хабар таратты. Ел билігінің мәліметіне қарағанда, бенгалдық фермер Әбдіхалық Мирбохор соңғы жылдың ішінде 161 220 егеуқұйрықтың көзін жойған. «Мен егеуқұйрықтардың көзін 1996 жылдан бері жоюмен айналысып келемін. Олар – елдің жауы. Олар дәнді дақылдардан түк қалдырмай, ауру таратады»- деді 55 жастағы фермер өзін марапаттау шарасында сөйлеген сөзінде. Әлем бойынша халқы ең тығыз орналасқан Бангладеште егеуқұйрықтар ауыл шаруашылығына орасан зиян келтіруде. Билік олардың көзін жойғандарға ақшалай сыйлық беріп, ынталадыру шарасын жүргізіп келеді.