Үндістанда социалистік партияның атынан парламенттік сайлауға түскен Әбу Асим Азми мырза Халилабад қаласында сайлаушылары алдында сөйлеген сөзінде: «Өз партиясына дауыс бермеген мұсылмандарға ДНҚ анализін тапсыру қажет» дегенді айтты.

Ол, тіпті, өзінің партиясына дауыс бермеген мұсылманды «мұсылман» деп есептемейтінін ескертті. Яғни, Әбу Асим Азми мырза өзінің ислам дінін ұстанатынын алға тартып, бәлсінгені былайғы жұрттың арасында кәдімгідей дүрбелең тудырды. Тіпті өз партиясына дауыс бермеген мұсылманды автоматты түрде оңшыл радикалды үндістердің қатарына жатқызатынын айтып, мұсылманға тән емес қылық көрсетті.