Саудия билігі қасиетті Мекке қаласындағы Харам мешітіне неке көйлегін киген қалыңдықты кіргізбеді. Тарқатып айтқанда, аталған құлшылық үйінің күзетшілері  корол Фаһда қақпасынан енбек болған қалыңдықтың жолын бөгеді. Күзетшілер басшысы оған абай (араб әйелдерінің дәстүрлі киімі) ұсынып, жас жұбайлардан ғафу өтінді. Оған қалыңдықтың неке көйлегі исі мұсылманның бесігі болған Харам мешітінің мәртебесіне сай келмейтінін айтып түсіндірді. Белгілі болғандай, қалыңдық Мысырдан келген. Сауд Арабиясында тұрмысқа шығап, сүйіктісінен Харам мешітінде кездесуді өтініп сұраған екен.