Нью-Йорк полициясы талай жыл мұсылмандардың қыр соңына түсіп, олардың жүрген-тұрғанын аңдумен, басқан ізін бақылаумен болған еді. Әйтсе де, бірде-бір ілік таппай, жуырда осынау алып мегаполисте тұратын мұсылмандардың соңына түсуге бағытталған сорақы бағдарламаны тоқтатты.

«Мұсылман жамағаты мен құқыққорғаушылар, әлбетте, діни кемсітушілікке апарып соқтыратын аңдуды тоқтатқанына қуанулы. Екінші жағынан алғанда, мұсылмандарды аңдудың өзге де жолдары бар. Өйткені, олар мұсылмандарға бәрібір сенбейді», - деді Америка-Ислам қатынасы жөніндегі кеңестің өкілі Зеад Рамазан.