Қырғызстанның бұрынғы мүфтиі Шұбақ Жәлелов мектеп қабырғасындағы білім беру жүйесін шариғат талаптарына сәйкестендіру қажеттілігіне тоқталып, мәлімдеме жасады. Осы тақырыпта өткізілген үстелбасы әңгімеде балаларын мектепке жібергісі келмейтін діндар отбасылардың мектептегі білім беруге қарсы еместігін, тек осы білім беру жүйесіндегі жағдайға наразы екенін жеткізді ол. "Бұл мәселенің ең маңызды тұсы - ұл және қыз балаларды бөлек оқыту. Олардың бірігіп оқитыны ата-аналарды балаларын мектепке жібермеуге итермелеп отыр",- деді ол. Бұл жайында «Интерфакс» ақпарат көзі хабар таратты. Осылай дей келе ол білім алудың исламда ерлерге де, әйелдерге де қажетті екенін ескертті.