Ахмет әл-Ғамди есімді алпыстың асқарына шыққан қарт әлемді саяхаттағанды және биік шыңдарды бағындырғанды жақсы көреді. Эверест тауында жүріп те әйелін ұмытпаған екен: видео арқылы сәлем жолдады. «Ғамди 42 жыл бойы некеде тұрған әйеліне және балаларына сәлем жолдайды»,- деген оның сөзін "IslamNews» ақпарат көзі келтірген екен. «Менің баға жетпес асыл жарым Умм Фаъд, 42 жыл некеде тұрғаның үшін саған алғыс айтамын»,- деді ол видео жолдауында. «Егер сен биіктен қорықпағаныңда менімен осы жерде болар едің, қажет болса, сені арқалап жүрсем де»,- деді артынша сөзін сабақтап. Сондай-ақ, ол тек әйеліне ғана емес, балалары мен келіндеріне де, немерелеріне де сәлем жолдаған. Саудиялық қарт осылай дей келе Алланы ұлықтап, дұға етеді.