Индонезияның саясат, құқық және қауіпсіздік мәселелері жөніндегі үйлестіруші министр Мұхаммед Маһпұд шетелде террористік әрекетімен көзге түскен ел азаматтарын репатрацияламайтынын мәлімдеді. Бұл жайында Antara ақпарат көзі хабар таратты. Осылайша Индонезия билігі 267 млн ел тұрғынын террористік актілер мен лаңкестік әрекеттерден қорғамақ. Оның келтірген дерегіне қарағанда, бүгінде 689 индонезиялық азамат шетелде террористік әрекетпен көзге түскен. Десе де шетелдегі бұрынғы лаңкестердің 10 жасқа дейінгі балаларын елге алдыру мәселесі қарастырылатынын жеткізді.