Иран басшысының әйелдер ісі және отбасы мәселелерімен шұғылданатын орынбасары Масум Ебтекар елдегі мектепке бармайтын қыздардың қарасы соңғы 40 жыл ішінде 38 пайыздан 3 пайызға дейін кемігенін мәлімдеді. Осылай дей келе ол әйелдердің қоғамдық өмірге белсене араласып, білім беру, денсаулық сақтау салаларында белсенділік танытып отырғанын әрі спорттық шараларға қатыса бастағанын жеикізді. Бұл жайында ирандардың Tehran Times ақпарат көзі хабар таратты. Ол ирандық әйелдердің аталған салалармен шектеліп қалмай, өнеркәсіпте, кәсіпкерлікте, т.б. жауапкершілігі зор салаларды бағындыруы керектігін алға тартты.