Тағы бір елде террористер мен экстремистерге арнайы, бөлек түрме ашылатын болды

Ресей Федерациясында да терроризм мен экстремизм бабы бойынша сотталғандар қамалатын арнайы, бөлек түрме ашылуы мүмкін. Бұл жайында РФ ішкі істер министрлігінің экстремизмге қарсы тұру жөніндегі бас басқарманың ресми өкілі Денис Корников мәлім етті. Оның айтуынша, қазіргі уақытта бұл мәселе түрлі билік орындары мен күштік құрылымдарда, соның ішінде, Қауіпсіздік кеңесінде талқыланып жатыр. Бұл шара экстремистік бабы бойынша жауапкершілікке тартылып, жазаға кесілгендердің өз идеяларын өзге тұтқындарға таратпау мақсатында қолға алынып отыр.