Түркияда криптовалюта мен асыл тастар парламентке енгізілген заңнамалық ұсыныстар аясында салық салынатын болады. Бұл жайында islam.kz порталы mk-turkey ақпарат көзіне сілтеме жасай отырып мәлім етеді. 19 баптан тұратын заң жобасы салық базасын сандық активтер мен сән-салтанат заттарына кеңейту есебінен «салық әділдігін нығайтуға» бағытталған. Бұл туралы билік басындағы Әділдік және даму партиясы парламенттік фракциясының жетекшісі Абдулла Гүлер мәлімдеді. Құжат Түркия парламентіне ресми түрде ұсынылды. Бұл бағыттағы реформаның басты мақсаттарының бірі - соңғы жылдары Түркияда жеке инвесторлардың назарын өзіне аудара бастаған цифрлы актив нарығындағы тез өсім көрсеткен электронды ақша айналымындағы табысты әділ бөлуге саяды. Бұл тараптағы ұсынысқа сәйкес криптовалюталық сервистік платформалар арқылы жүзеге асырылатын сандық активтерді сату мен аудару бойынша жүргізілетін операцияларға 0,3% мөлшерінде салық салынатын болады. Сондай-ақ, криптовалюталардан түсетін табысқа, дәлірегі, негізінен төлем көзінен салықты ұстап қалу арқылы салық салу жоспарланып отыр. Бұл ретте заң жобасында қосылған құн салығы (ҚҚС) криптовалюталық операцияларға қолданылмайтыны нақтыланған. Мұндай шешім қосарланған салық салуды болдырмауға және бір мезгілде цифрлық активтер секторын ресми салық жүйесіне енгізуге тиіс. Жаңа ережеде қарастырылған талаптарғы сәйкес сән-салтанат бұйымдарына да салық салынады. Алмас, інжу және басқа да асыл тастар, сондай-ақ, олардан жасалған зергерлік бұйымдар сату кезінде тұтынынылатын тауар ретінде 20% мөлшерінде арнайы салық салу ұсынылады. Заң жобасы, сондай-ақ, бұрынғы нормалардың күшін жою туралы конституциялық соттың шешімінен кейін қазынашылардың заңды мәртебесіне қатысты жаңа ережелерді енгізеді. Бұдан басқа, құжат компаниялар үшін жарнама және құмар ойындар мен мөлшерлемелерді ілгерілету шығыстарын салық салынатын пайдадан шегеру мүмкіндігін жояды, мұндай жарнама үшін салық жеңілдіктерін іс жүзінде жояды. Шетелдіктерге тұрғын үй сатылғанда және шетелдік азаматтарға медициналық қызмет көрсетілгенде қосымша құн салығынан толық босатпайтын, яғни, ішінара босататын өзгерістер ұсынылып отыр. Бұл ретте компаниялар жылжымайтын мүлікті жалға алса, қосымша құн салығын төлемейді. Коммерциялық кәсiпорындар ретiнде жұмыс iстейтiн жекеменшік университеттердiң университеттiк ауруханалары корпоративтiк салықтан босатылады және жекеменшік клиникалар сияқты ережелер бойынша салық салынады. Сондай-ақ, ақылы негіздегі әскери қызмет ақысын есептеу үшін пайдаланылатын көрсеткішті 240 000-нан 300 000-ға дейін арттыру ұсынылып отыр, осылайша бұл қызметтің құнын шамамен 420 000 түрік лирасына (шамамен 9 600 доллар) дейін көтереді. Қосымша кірістер қорғаныс министрлігін қолдау қорына жіберілетін болады. Энергетика саласында BOTAŞ мемлекеттік компаниясы мемлекеттік тапсырмаларды орындағаны үшін мемлекет компанияға бюджеттен қарыз болатын сомамен салық және қор қарыздарын өзара өтеу құқығын алады