Сириядағы бір қолдың саусағындай уақытқа таяу созылған соғыстың лаңынан бас сауғалаған босқындарды қабылдаған өзге елдерге қарағанда Түркия оларға ерекше жағдай жасайтын болды. Нақтырақ айтқанда, түріктер билігі олардың жұмысқа тұруына мүмкіндік бермек. Тек мынадай шартпен: сириялық босқындар өздері тұрып жатқан аумақта ғана жұмысқа тұра алады. Бұл – бір, екіншіден, сириялық босқындардың жұмысқа тұруына бөлінген квота 10 пайыздан аспауы тиіс. Дәлірегі, бір кәсіпорындағы штаттың 10 пайызынан аспауы тиіс. Сириялық босқындар жеке басын куәландыратын құжатты алғаннан кейін алты айдан соң ғана жұмысқа тұра алады.