Аталған жүйе іздеуде жүрген қылмыскерлер мен күдіктілерді аулауға және лаңкестерді ұстау мақсатында іске қосылды. Бұл жайында аталған елдің кеден және сауда министрі Бүлент Түфенкчи мәлім етті. Осы заманғы жоғарғы технология Түркияның Сириямен, Иракпен және Иранмен арадағы 11 шекара бекетінде орналастырылды. «Бұл инновация – халықаралық терроризммен күреске қосылған маңызды үлес. Шекарадан өткендердің фото-суреттері полицияның бас басқармасының деректер базасына жіберіледі. Бұл алдағы уақытта тек терроризммен күресте ғана емес, сонымен бірге, заңсыз миграциямен күресте тиімді нәтижесін береді»,- деді министр.