Қытайда әлеуметтік жағдайы төмен азаматтар қолдан жасалған үлкен қиындыққа кезікті. Тұрмысы жұпыны, иіні жүдеу, дәлірегі, әлеуметтік несие жүйесіндегі көрсеткіші төмен азаматтарға бұдан былай пойыз пен ұшақ билеті сатылмайды. Бұл жайында Reuters ақпарат ресурсы хабар таратты. Аталмыш ел билігі тұрғындардың, яғни, Қытай халық республикасының әр азаматының реитингісін жасайды. Осылайша әлеуметтік несие жүйесін қалыптастырмақ. Мемлекет тұрғындардың білім алу, табыс табу, мансап қуу мүмкіндігін сарапқа салмақ. Реитингісі нашар адамдарды үлкен қиындықтар күтіп тұр. Соның ішінде, оларға жұмыс табу, жұмысқа орналасу, т.б. қиындай түспек. Қытай билігінің бұл бастамасы қаншалықты өміршең, оны уақыт көрсетпек.