Біріккен Ұлттар Ұйымының жанындағы Балалар қорының (ЮНИСЕФ) жуырда жарияланған баяндамасында айтылғандай, Үндістандағы 74 млн баланың, оның ішінде мектепке дейінгі жастағылардың шамамен 20 млн-ы білім беру мекемелеріне бармайды. Олардың денін тұрмысы төмен, маргиналданып, яғни, қоғамнан шетқақпай көріп, өгейдің күйін кешіп, жатсынып кеткен әлеуметтік топтың балалары құрайды. Сарапшылардың сөзіне қарағанда, балалар бақшасы мен мектепке бармайтындардың арасында мұсылман отбасынан шыққан балалардың қарасы көп болып шыққан – 34%. Үнді наным-сеніміндегілер - 25,9%, христиандар - 25,6%.