UNESCО-ға мүше елдер аталмыш ұйымға соңғы уақытта өмірдің кей салаларында қолданыла бастаған жасанды интеллектіге қатысты этикалық нормаларды, былайша айтқанда, адамгершілік қағидаттарды әзірлеуді тапсырды. Бұл жайында Франс Пресс ақпарат агенттігі Біріккен ұлттар ұйымының жанындағы мекемеге сілтеме жасай отырып хабар таратты. Абайлап қолданбаса, арам мақсатта пайдаланылуы мүмкін жасанды интеллекті технологиясын одан ары жетілдіре отырып, оны қолдануға қатысты этикалық нормаларды әзірлеуді әлемнің 193  мемлекеті жақтап дауыс берген. Аталмыш нормаларды халықаралық сарапшылар 18 ай ішінде әзірлейтін болады.