Австралиялық ғалымдар бал арасының инесі немесе істігі (жалыны) жәндіктің денесінен бөлінгеннен кейін де уды шаққан жеріне қалай енгізетінін анықтады. Бұл жайында islam.kz порталы PNAS мерзімді басылымына сілтеме жасай отырып мәлім етеді. Осылайша алғаш рет аталған тетіктің жұмысы егжей-тегжейлі көрсетілген зерттеу материалы жарияланды. Жылдамдығы жоғары таспаға тартып алу технологиясы және микрокомпьютерлік томография арқылы Маккуори университеті мен Жаңа Оңтүстік Уэльс университетінің білікті мамандары ара инесінің жәндіктен бөлінгеннен кейін де дербес әрекет ете алатынын дәлелді: бұл бағыттағы тәжірибе үшін араларды адам терісін имитациялайтын мөлдір гелді шағуға мәжбүрледі. 2-миллиметрлік жалын қос поршенді микронасорға ұқсайды: екі ланцет ағаш кесетін қолара сияқты алға-артқа қозғалады, ал камера ішіндегі клапандар пішінін өзгертеді - төмен қарай қозғалғанда парашют сияқты үрленеді, қысым жасайды, ал көтерілгенде кері ағынды азайтып үрленеді. Мұндай тетікте клапандардың бірегей геометриясы негізгі рөл атқарады - олар қалыптасатын поршендер ретінде әрекет етеді және қарама-қарсы бағыттарда қозғала отырып, уды үздіксіз немесе тоқтаусыз беруді қамтамасыз етеді. Ғалымдар құрылғының кеңейтілген жұмыс моделін 3D принтерде басып шығару арқылы механизмді растады. Ғалымдардың пікірінше, араның жал құрылымының принциптері аз инвазивті медициналық және микрофлюидті технологиялар үшін микронасорларды жасауда көмектесетін болады.