Нигерияның Ондо штатының мұсылман қажыларының қайырымдылық қоры өкілдері қажылық парызын орындағысы келетіндерге алдын-ала дене шынықтыру жаттығуларын жасауға шақырып, ресми үндеу жариялады. Аталмыш қор өкілдерінің айтуынша, бұл өз кезегінде олардың қасиетті сапарда денсаулықтарына зиян келмеуіне көмектеседі. «Жақсы шынығу – қажылықты сәтті өтеудің бір шарты. Қажылық – бұл өзінше бір діни мәні бар дене шынықтыру іспеттес. Табандылықты қажет ететін. Әсіресе, автокөлікпен жүруге дағдыланған адамдар қазірден бастап, жүріп жаттығуы керек», - деп мәлімдеді аталған қор төрағасы Әлһажы Әжіфобуб.