Болашақта смартфон-трансформер ұстауымыз әбден мүмкін. Ұлыбританияда сыртқы пішінін өзгертуге болатын Кубиморф ұялы телефоны жасалмақ. Ол құрылғы сенсорлы дисплейі бар пластик кубиктерден тұрады. Бұл тетік гаджетті санаулы сәттің ішінде түрлендіруге толық мүмкіндік береді. Ерекше жоба әзірге тек дайындық сатысында. Ғалымдар жаңа смартфонды сатылымға 15 жылдан кейін шығарамыз деп отыр. Абиджит Карник, Ланкастер университетінің оқытушысы: - Бұл соңғы нұсқасы емес. Жұмысты жаңа ғана бастадық. Бұл іске компьютер мен робот техниктерін тартып жатырмыз. Әйтпесе, қазіргі прототиптердің сапасы нашарлау. Сондықтан, нарыққа әзір шығара алмаймыз. Бірақ, шешуді қажет ететін мәселелерді талқылайтын деңгейге жеттік.