Амстердам университетінің (University of Amsterdam) физиктері мұздатқыш жабдықтарды, криогениканы немесе салқындатылған субстраттарды пайдаланбастан таза мұздан жасалған үлгілерді 3D басып шығарудың таңғажайып қарапайым әдісін әзірледі. Бұл жайында islam.kz порталы arstechnica.com ақпарат көзіне сілтеме жасай отырып мәлім етеді. Вакуумда булану кезінде судың табиғи салқындату физикасы ғана жұмыс істейді. Тұжырымдаманың дәлелі - биіктігі 8 см мұз моделі басып шығарылды. Бұл жаңалық кездейсоқ ашылды: ғалымдар ауаның кедергісін азайту үшін вакуумда су шашу тәжірибесін жүргізген екен, нәтижесінде жылы субстрат арқылы да судың жылдам кристалдануы орын алған. Құрылғыда су  шүмек ағады. Төменгі қысым жағдайында субстрат пен моделдің бетіндегі молекулалар жылуды алып кететіндіктен тез буланады. Судың үстіңгі бетімен қатынас жасағанда оның көлеміне арақатынасының жоғары болуына байланысты ағыс секундына ондаған градусқа салқындайды. Осылайша, субстрат немесе моделдің алдыңғы қабаты жанасқан кезде су тез қатып, шашырамай және төгілмей күрделі құрылымдарды қабаттап қалыптастыруға мүмкіндік береді. Биологияда мұз моделдері ағзаларды өсіру үшін қаңқа қызметін атқарады, ал инженерлік қосымшаларда сұйықтықтардың ағуы үшін микроканалдары бар моделдер жасау үшін пайдаланылады.