Халал туризм саласындағы CrescentRating консалтингтік агенттік әлемде тұңғыш рет шариғат талаптарына сай келетін туризмге қатысты терминдер сөздігін шығарды. «Халал туризм феноменін мойындау осы саланың Ислам ынтымақтастық ұйымына мүше елдер мен одан тысқары жерлерде дамуына серпін беріп отыр»,- деді аталмыш агенттіктің директоры Фазал Бахардин. Осылай дей келе ол бұл жоба қажеттіліктен қолға алынғанын тілге тиек етті. CrescentRating сарапшыларының айтуынша, өздері дайындаған бұл сөздік халал туризм нарығының талаптарына толық жауап береді. Ағылшын тілінде жарық көрген бұл сөздікте 150-ден аса термин қамтылған.