Ғалымдар құрамында Q10 коэнзимі бар затты табу үшін мүк пен папоротниктерді қоса алғанда, 67 тұқымдастан 134 өсімдік үлгілерін жинады. Бұл жайында islam.kz порталы ithome.com ақпарат көзіне сілтеме жасай отырып мәлім етеді. Қытай ғалымдары ген редакциялау технологиясының көмегімен Q10 коэнзимін синтездейтін күріштің жаңа сортын шығарды. Коэнзим Q10 - жүректі антиоксидантты тұрғыдан қорғау бойынша маңызды функцияларды орындайтын адам жасушаларының энергетикалық метаболизмінің негізгі компоненті. Ол тотығу процестерін төмендетеді және жүрек бұлшықетін тонуспен толтырады, бұлшық ет конвулсиялары мен спазмдарының, ауырсыну синдромының алдын алады, терінің босаңсуына жол бермейді. Көптеген спортшылар оны өз рационына қосады. Аталмыш зат бұлшық ет талшықтарын нығайтады, спортпен айналысқаннан кейін күш пен қуатты қалпына келтіруге көмектеседі. Алайда, адам ағзасының оны синтездеу қабілеті 20 жылдан кейін айтарлықтай төмендейді, сондықтан ғалымдар оны күріш сияқты жиі тұтынылатын дәнді дақылдардан алуды ұсынып отыр. Дәнді дақылдар (Poaceae), астрлы (Asteraceae) және асқабақ (Cucurbitaceae) тұқымдас өсімдіктердің көпшілігі негізінен Q9 коэнзимін синтездейді. Ал Қытайдың басты ұлттық асының негізгі дақылы - күріш адамға қажетті Q10 коэнзиміне бай келеді. Генді бағытталған редакциялау технологиясын пайдалана отырып, ғалымдар осы пайдалы затты синтездейтін күріш жасады. Нәтижесінде, алынған үлгідегі жапырақтағы коэнзимнің құрамы оның жалпы санының 75% -ын, ал дәндерде - шығымдылығын жоғалтпай грамына 5 микрограмға дейін құрады.