«Пайда ойлама, ар ойла», «Сенде бір кірпіш дүниеге кетігін тапта бар қалан», «Тамағы тоқтық, жұмысы жоқтық, аздырар адам баласын». Ұлы Абайдың – еңбек, ар-намыс, ел бірлігі мен ұрпақ келешегі жайында айтқан қанатты сөздері Талдықорғандағы қоғамдық көліктерге ілінді. Аялдамада тұрған адамдар автобустың қабырғасына жапсырылған сөздерге ерекше ықыласпен зер салса, іште отырғандар көлік салонындағы жазуларды оқиды. Қазір қаланың барлық бағыттағы қоғамдық көліктерінде осындай жазулар бар. Рүстем Қалиев, облыстық жастар саясаты мәселелері басқармасының кеңесшісі: - Болашақта бұл іс өзінің жалғасын табады деген ойдамыз. Жалпы бұл акцияны қоғамдық көлік жүргізушілері де, қала тұрғындары да қолдап жатыр.