Асыл дініміз бен Ардақты пайғамбарымыз – Мұхаммед Мұстафаның (Алланың сәлемі мен игілігі жаусын) өнегелі өмірі жайында сыр шертетін Ислам мұражайы қасиетті Мекеке шаһарында, дәлірегі, Харам мешітінен 7 шақырым қашық маңнан ашылатын болды. Аталмыш мұражай аумағы 5600 шаршы метрге жетеқабыл. Мұражайдың дизайнын Лондон сәулетшісі дайындаған болатын. Оның айтуынша, бұл мұражай ислам тарихымен танысқысы келетін меймандар мен қажылық парызын орындайтындар үшін нағыз мәдени орталыққа айналуы тиіс. Бір мезгілде мыңнан аса адамды қабылдай алатын мұражайда дәріс оқылатын бөлме, кітап дүкені, шатырында саябақ және мейрамхана болады.