Саудия билігі елдегі дәрігерлер талай жылға созылған ұйқысыздық дертінен айықтыра алмаған қарияға өтемақы беруді жөн көрген екен. Жасы жетпістен асқан саудиялық қарттың көз ілмегеніне, міне, табаны күректей отыз жылға таяп қалған. Ол 20 күнге созылған әскери тапсырманы орындау кезінде осы жұмбақ дертке шалдыққан. Қаралмаған жері, бармаған тауы, баспаған тасы қалмаған ол жазылудан күдерін үзген. Тіпті, 4 елдің білдей білікті дәрігерлері бірігіп тексерген күннің өзінде оның дертіне дауа таба алмай пұшайман болған көрінеді. Бұл жайында Khaleej Times ақпарат көзі хабар таратты. Қария тұратын ауданның басшысы бұрынғы әскери қызметкердің басындағы жағдайға қаныққаннан кейін оған автокөлік кілтін табыс етті. Енді басқа не істей алады?